ਪੰਜਾਬ ਵਿਚ ਤਰਨਤਾਰਨ ਪੁਲਿਸ ਵੱਲੋਂ ਪੰਜ ਗੈਂਗਸਟਰ ਹਥਿਆਰਾਂ ਸਮੇਤ ਕਾਬੂ

 ਪੰਜਾਬ ਪੁਲਿਸ ਵੱਲੋਂ ਪੰਜ ਗੈਂਗਸਟਰ ਗ੍ਰਿਫਤਾਰ “ਟਾਰਗੇਟ ਕਿਲਿੰਗ” ਦੀ ਯੋਜਨਾ ਨਾਕਾਮ

ਤਰਨਤਾਰਨ ਪੁਲਿਸ ਵੱਲੋਂ ਗੈਂਗਸਟਰਾਂ
ਪਾਸੋਂ ਬਰਾਮਦ ਹਥਿਆਰ 

ਪੰਜਾਬ ਪੁਲਿਸ ਜਿਲ੍ਹਾ ਤਰਨਤਾਰਨ ਨੇ ਜੱਗੂ ਭਗਵਾਨਪੁਰੀਆ ਅਤੇ ਅਮ੍ਰਿਤਪਾਲ ਬਾਠ ਗੈਂਗ ਨਾਲ ਸੰਬੰਧਿਤ ਪੰਜ ਗੈਂਗਸਟਰ ਗ੍ਰਿਫਤਾਰ ਕਰ ਕੇ ਵੱਡੀ ਸਫਲਤਾ ਹਾਸਲ ਕੀਤੀ ਹੈ ਜਿਹੜੇ ਕਿ ਮਿੱਥ ਕਿ ਕਤਲ ਅਤੇ ਵਾਰਦਾਤਾਂ ਨੂੰ ਅੰਜਾਮ ਦੇਣ ਵਾਲੇ ਸਨ। ਅਧਿਕਾਰੀਆਂ ਨੇ ਉਕਤ ਵਿਅਕਤੀਆਂ ਪਾਸੋਂ ਹਥਿਆਰ ਬਰਾਮਦ ਕਰਨ ਦੀ ਪੁਸ਼ਟੀ ਵੀ ਕੀਤੀ ਹੈ। 

ਪੰਜਾਬ ਦੇ ਡੀ.ਜੀ.ਪੀ ਗੌਰਵ ਯਾਦਵ ਨੇ ਦੱਸਿਆ ਕਿ ਆਰੰਭਿਕ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਦੋਸ਼ੀ ਜਿਲ੍ਹਾ ਤਰਨਤਾਰਨ ਵਿੱਚ ਮਿੱਥ ਕਿ ਕਤਲ ਅਤੇ ਵਾਰਦਾਤਾਂ ਨੂੰ ਅੰਜਾਮ ਦੇਣ ਦੀ ਯੋਜਨਾ ਬਣਾ ਰਹੇ ਸਨ। ਪੁਲਿਸ ਦੀ ਇਹ ਕਾਰਵਾਈ ਨੇ ਸੰਭਾਵਿਤ ਹਿੰਸਾ ਨੂੰ ਰੋਕਣ ਅਤੇ ਗੈਂਗਾਂ ਦੇ ਨੈੱਟਵਰਕ ਬਾਰੇ ਅਹਿਮ ਜਾਣਕਾਰੀ ਸਥਾਪਿਤ ਕਰਨ ਲਈ ਬਹੁਤ ਲਾਹੇਵੰਦ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਚਲ ਰਹੀਆਂ ਜਾਂਚ ਦਾ ਉਦੇਸ਼ ਗੈਂਗ ਦੇ ਪਿਛਲੇ ਅਤੇ ਆਓਣ ਵਾਲੇ ਸਮੇਂ ਦੌਰਾਨ ਵਾਰਦਾਤਾਂ ਦੀ ਜਾਣਕਾਰੀ ਲੈਣਾ ਵੀ ਹੈ।

ਇਸ ਪੁਲਿਸ ਕਾਰਵਾਈ ਰਾਹੀਂ ਤਰਨਤਾਰਨ ਜਿਲ੍ਹਾ ਵਿੱਚ ਹਾਲ ਹੀ ਦੇ ਵਿੱਚ ਹੋਏ ਇੱਕ ਕਤਲ ਦੇ ਬਾਰੇ ਵੀ ਵਿਚਾਰਨਯੋਗ ਵੇਰਵੇ ਬਾਹਰ ਲਿਆਂਦੇ ਹਨ। ਜਾਂਚ ਅਧਿਕਾਰੀ ਅਪਰਾਧ ਵਿੱਚ ਸ਼ਾਮਿਲ ਨਿਸ਼ਾਨਚੀ ਬਾਰੇ ਵੀ ਜਾਣਕਾਰੀ ਹਾਸਲ ਕਰਨ ਵਿਚ ਸਫਲ ਰਹੇ ਹਨ। ਪੰਜਾਬ ਪੁਲਿਸ ਦੀ ਇਹ ਕਾਰਵਾਈ ਰਾਜ ਵਿੱਚ ਸੰਗਠਿਤ ਅਪਰਾਧਾਂ ਖ਼ਿਲਾਫ਼ ਚਲ ਰਹੇ ਯਤਨਾਂ ਦਾ ਇਕ ਵੱਡਾ ਹਿੱਸਾ ਹੈ।