ਇਜ਼ਰਾਇਲ ਅਤੇ ਹਮਾਸ ਵਿਚਕਾਰ ਯੁੱਧਵਿਰਾਮ ਸਮਝੌਤਾ ਸਿਰੇ ਚੜ੍ਹਿਆ
 |
| ਇਜ਼ਰਾਇਲ - ਹਮਾਸ ਯੁੱਧਵਿਰਾਮ ਸਮਝੌਤਾ |
ਬੁੱਧਵਾਰ ਨੂੰ ਇਜ਼ਰਾਇਲ ਅਤੇ ਹਮਾਸ ਨੇ ਇਸ ਯੁੱਧਵਿਰਾਮ ਲਈ ਸਮਝੌਤਾ ਕੀਤਾ—ਜਿਸ ਨਾਲ ਗਾਜਾ ਵਿੱਚ 15 ਮਹੀਨੇ ਤੋਂ ਚਲ ਰਹੇ ਤਬਾਹੀ ਵਾਲੇ ਯੁੱਧ ਨੂੰ ਅਸਥਾਈ ਤੌਰ 'ਤੇ ਰੋਕ ਦਿੱਤਾ ਜਾਵੇਗਾ। ਇਹ ਸਮਝੌਤਾ ਕਤਰ ਵਿੱਚ ਕਈ ਹਫ਼ਤਿਆਂ ਦੀ ਚਲ ਰਹੀ ਮੁਸ਼ਕਿਲ ਗਲਬਾਤ ਤੋਂ ਬਾਅਦ ਹੋਇਆ ਹੈ ਅਤੇ ਇਸ ਨਾਲ ਖੇਤਰ ਵਿੱਚ ਸਥਾਈ ਸਾਂਤੀ ਦੀ ਨਵੀਂ ਆਸ ਬਣੀ ਹੈ।
ਸੁਲਹਕਰਤਾਵਾਂ ਦਾ ਮੰਨਣਾ ਹੈ ਕਿ ਇਹ ਸਮਝੌਤਾ ਹਮਾਸ ਵਲੋਂ ਬੰਧਕ ਬਣਾਏ ਗਏ ਲੋਕਾਂ ਨੂੰ ਰਿਹਾਅ ਕਰਾਓਣ ਵਿਚ ਸਹਾਇਕ ਹੋਵੇਗਾ ਅਤੇ ਇਜ਼ਰਾਇਲ ਵਲੋਂ ਜੰਗ ਵੇਲੇ ਕੈਦ ਕੀਤੇ ਸੈਂਕੜਿਆਂ ਫਲਸਤੀਨੀ ਕੈਦੀਆਂ ਦੀ ਰਿਹਾਈ ਦਾ ਵੀ ਕਾਰਨ ਬਣੇਗਾ। ਇਹ ਗਾਜਾ ਤੋਂ ਬੇਘਰ ਹੋਏ ਲੱਖਾਂ ਲੋਕਾਂ ਨੂੰ ਆਪਣੀ ਥੋੜ੍ਹੀ-ਬਹੁਤ ਬਚੀਆਂ ਰਹਿ ਗਈਆਂ ਥਾਂਵਾਂ 'ਤੇ ਵਾਪਸ ਪਰਤਣ ਦੀ ਇਜਾਜ਼ਤ ਦੇਵੇਗਾ। ਇਸ ਨਾਲ ਜੰਗ ਵਿਚ ਬਰਬਾਦ ਹੋਏ ਇਸ ਖੇਤਰ ਵਿੱਚ ਮਨੁੱਖੀ ਮਦਦ ਪਹੁੰਚਾਉਣ ਦੀ ਜ਼ਰੂਰਤ ਨੂੰ ਵੀ ਪੂਰਾ ਕੀਤਾ ਜਾ ਸਕੇਗਾ ।
ਸੂਤਰਾਂ ਨੇ ਦੱਸਿਆ ਕਿ ਇੱਕ ਸੀਨੀਅਰ ਇਜ਼ਰਾਇਲੀ ਅਧਿਕਾਰੀ ਮੁਤਾਬਿਕ ਸਮਝੌਤਾ ਦੇ ਵੇਰਵੇ ਉੱਤੇ ਅਜੇ ਵੀ ਕੰਮ ਚੱਲ ਰਿਹਾ ਹੈ। ਜੋ ਵੀ ਸਮਝੌਤਾ ਹੁੰਦਾ ਹੈ, ਉਸ ਨੂੰ ਕੈਬਨਿਟ ਤੋਂ ਮਨਜ਼ੂਰੀ ਦੀ ਲੋੜ ਹੋਵੇਗੀ ਪਰ ਇਹ ਕੁਝ ਦਿਨਾਂ ਵਿੱਚ ਲਾਗੂ ਹੋ ਜਾਣ ਦੀ ਉਮੀਦ ਹੈ।
ਰਿਪੋਰਟਾਂ ਅਨੁਸਾਰ, ਜਦੋਂ ਇਹ ਖ਼ਬਰ ਫੈਲੀ ਤਾਂ ਬੁੱਧਵਾਰ ਨੂੰ ਗਾਜਾ ਦੇ ਹਜ਼ਾਰਾਂ ਵਸਨੀਕ ਜਸ਼ਨ ਮਨਾਉਂਦੇ ਹੋਏ ਵੇਖੇ ਗਏ । ਗਾਜਾ ਵਿਚ ਮੌਜੂਦ ਪੱਤਰਕਾਰਾਂ ਮੁਤਾਬਿਕ ਲੋਕ ਇਕੱਠੇ ਹੋ ਰਹੇ ਸਨ, ਇਕ-ਦੂਜੇ ਨੂੰ ਮਿਲ ਰਹੇ ਸਨ ਅਤੇ ਮੋਬਾਈਲ ਫੋਨ ਨਾਲ ਫੋਟੋਆਂ ਖਿੱਚਕੇ ਇਸ ਘੋਸ਼ਣਾ ਦਾ ਸਵਾਗਤ ਕਰ ਰਹੇ ਸਨ।
ਹਾਲਾਂਕਿ ਸ਼ੁਰੂਆਤ ਵਿਚ ਇਸ ਸਮਝੌਤਾ ਤੋਂ ਛੇ ਹਫ਼ਤਾਂ ਤਕ ਹੀ ਯੁੱਧਵਿਰਾਮ ਦੀ ਉਮੀਦ ਹੈ ਪਰ ਇਸ ਨਾਲ ਯੁੱਧ ਨੂੰ ਮੁਕੰਮਲ ਤੌਰ 'ਤੇ ਖਤਮ ਕਰਨ ਲਈ ਗੱਲਬਾਤ ਦੀ ਸ਼ੁਰੂਆਤ ਹੋਵੇਗੀ। ਜੰਗ ਤੋਂ ਬਾਅਦ ਗਾਜਾ ਬਾਰੇ ਕਈ ਲੰਬੇ ਸਮੇਂ ਦੇ ਸਵਾਲ ਜਿਵੇਂ ਕਿ ਇਲਾਕੇ ਦਾ ਕੌਣ ਰਾਜ ਕਰੇਗਾ ਜਾਂ ਦੁਬਾਰਾ ਨਿਰਮਾਣ ਦਾ ਚੁਣੌਤੀਪੂਰਨ ਕੰਮ ਕੌਣ ਦੇਖੇਗਾ, ਹਾਲੇ ਤੈਅ ਹੋਣੇ ਬਾਕੀ ਹਨ।
ਇਸ ਯੁੱਧਵਿਰਾਮ ਦੌਰਾਨ 100 ਵਿੱਚੋਂ ਕਰੀਬ 33 ਬੰਦੀਆਂ ਨੂੰ ਆਪਣੇ-ਆਪਣੇ ਪਰਵਾਰਾਂ ਨਾਲ ਮੁੜ ਮਿਲਾਇਆ ਜਾਵੇਗਾ। ਇਹਨਾਂ ਦਾ ਕਈ ਮਹੀਨਿਆਂ ਬਾਹਰੀ ਦੁਨੀਆ ਨਾਲ ਕੋਈ ਸੰਪਰਕ ਨਹੀਂ ਹਾਲਾਂਕਿ ਅਜੇ ਇਹ ਸਾਫ਼ ਨਹੀਂ ਹੈ ਕਿ ਇਹਨਾਂ ਵਿੱਚੋਂ ਕਿੰਨੇ ਜਿੰਦਾ ਹਨ। ਇਹ ਵੀ ਸਪਸ਼ਟ ਨਹੀਂ ਕਿ ਇਸ ਸਮਝੌਤੇ ਤੋਂ ਬਾਅਦ, ਯੁੱਧ ਤੇ ਪੂਰਨਵਿਰਾਮ ਲੱਗ ਸਕੇਗਾ ਕਿ ਨਹੀਂ ਅਤੇ ਨਾਂ ਹੀ ਇਹ ਸਪਸ਼ਟ ਹੈ ਕਿ ਇਜ਼ਰਾਇਲੀ ਸੈਨਿਕ ਗਾਜਾ ਤੋਂ ਪੂਰੀ ਵਾਪਸੀ ਕਦੋਂ ਕਰਨਗੇ, ਜੋ ਕਿ ਹਮਾਸ ਵਲੋਂ ਸਾਰੇ ਬੰਧਕਾਂ ਦੀ ਰਿਹਾਈ ਲਈ ਪ੍ਰਮੁੱਖ ਮੰਗ ਹੈ।
ਰਾਸ਼ਟਰਪਤੀ ਜੋ ਬਾਇਡਨ ਅਤੇ ਨਵਨਿਰਵਾਚਿਤ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਜਨਰਲ ਇਸ ਤਾਜ਼ਾ ਗੱਲਬਾਤ ਵਿੱਚ ਸ਼ਾਮਲ ਸਨ। ਦੋਵਾਂ ਨੇ ਹੀ ਇਸ ਸਮਝੌਤੇ ਦਾ ਸ਼੍ਰੇਅ ਲਿਆ ਹੈ। ਟਰੰਪ ਨੇ ਕਿਹਾ ਕਿ ਇਹ ਸਮਝੌਤਾ ਸਿਰਫ਼ ਉਨ੍ਹਾਂ ਵਲੋਂ ਚੋਣ ਜਿੱਤਣ ਨਾਲ ਹੀ ਸੰਭਵ ਹੋ ਸਕਿਆ ਹੈ ਹਾਲਾਂਕਿ ਉਹਨਾਂ ਨੇ ਅਜੇ ਦਫ਼ਤਰ ਸੰਭਾਲਿਆ ਨਹੀਂ ਹੈ, ਜਦਕਿ ਬਾਇਡਨ ਨੇ ਕਿਹਾ ਕਿ ਇਹ ਅਮਰੀਕੀ ਰਾਜਨੀਤਿਕ ਮਸ਼ਕੱਤ ਦਾ ਨਤੀਜਾ ਹੈ ਅਤੇ ਇਹ ਸਮਝੌਤਾ ਗਾਜਾ ਜੋ ਕਿ ਮੱਧ ਭੂਮੇ ਸਾਗਰ ਦੇ ਕੰਢੇ ਤੇ ਲੱਗਭਗ 20 ਲੱਖ ਲੋਕਾਂ ਦਾ ਘਰ ਹੈ ਨੂੰ ਬਚਾਉਣ ਵਾਲਾ ਹੋਵੇਗਾ। ਯੁੱਧਵਿਰਾਮ ਨਾਲ ਇਸ ਖੇਤਰ ਵਿੱਚ ਮਨੁੱਖਤਾ ਸਬੰਧੀ ਮਦਦ ਵਧਾਉਣ ਦੇ ਰਾਹ ਵੀ ਖੁਲਣਗੇ।
Tags:
ਅੰਤਰਰਾਸ਼ਟਰੀ
